20.9年先買到樓 教我如何做港人

網圖

恭喜晒香港人！香港又再一次成為全球樓價「最難負擔」城市，已經係連續九年排第一，計埋家庭入息中位數，成個家庭要20.9年先買得起一個單位。至於排第二嘅係加拿大溫哥華，不過佢哋只需要12.6年不吃不喝就可以買到樓，幸福過香港人。

小編真心確得，成功係需要靠父幹。小編有一位兼職模特兒朋友，樣貌身型唔算出眾，所以都冇乜job接，終日見佢遊手好閒，到三十歲仲係吊兒郎當發明星夢。點解可以咁樣？咪就係因為有父幹，爸爸畀層樓佢，羸在起跑線。

結果呢位朋友可以追求自己嘅夢想，有自己嘅興趣，小編有時都幾羡慕，唔似得一般香港人，放工返到屋已經八九點，食埋飯都夠鐘上床瞓，返工用腦用足全日心力交瘁，仲講理想講興趣？