3D印屋可以打救樓奴？

網圖

香港成日話建築工人短缺，又唔肯輸入外勞，搞到起樓成本勁貴，直接推高樓價。筆者近日係

網上睇到一條3D打印起屋嘅短片，雖然唔係乜新嘢，但諗諗吓覺得可能係平抑香港建築成本嘅出路。

條片唔少人睇過，片中嘅建屋公司只係用咗1日，就用3D打印機「Print」咗一間400呎嘅石屎屋出嚟，再裝埋門窗天花，放好家俬電器，已經住得人。呢間屋成本港紙8萬銀，有啲報道仲話將來技術再成熟啲有機會壓低到3萬蚊就得。

當然香港起嘅大部分係幾十層嘅大廈，技術要求高好多，不過隨住科技發展，相信好快連大廈都print到出嚟啦！你話冇可能？以前起樓都冇諗過會用晒預製件砌積木啦。如果未來3D打印住宅真係可以應用喺現實，相信建屋成本同時間都會大大降低。

可惜香港嘅老問題係，技術上做到，唔代表政治上都唔到。你睇吓uber、airbnb呢啲外國已行得好成熟嘅新經濟，係香港做隨時要拉要鎖，所以3D打印住宅如無意外都會觸動一班既得利益者嘅神經。你起屋又快又平，咁班建築工人邊有工開呀？到時啲樓咁易起出嚟，人人都買得起，邊有租客俾錢業主洗呀？結論都係，發吓夢好了，香港人都係要做牛做馬，繼續供養發展商下一代。

睇片︰https://youtu.be/GUdnrtnjT5Q