九龍新盤大混戰

觀塘凱滙銷情理想，令唔少置業者都密密留意九龍區新盤，唔知嚟緊同屬九龍東區嘅煥然懿居、瑧尚同Downtown38會唔會有相同待遇。

位於土瓜灣馬頭圍道嘅煥然懿居，係市建局推出嘅港人首置上車盤，價單終於喺2018年最後一日出爐。450個單位當中有8成屬開放式及一房戶，以市價62折發售，最細嘅261呎單位，入場費為314萬。

而另一個新盤Downtown 38，呢個盤係新地同市建局合作，並未正式發布價單。不過早前新地就表示，項目提供228伙，實用面積由377呎至414呎，仲預告售價唔會過600萬。

至於位於九龍城道嘅瑧尚係市建局重建項目之一，發展商新世界話項目待批預售樓花同意書。根據網上資料，單位面積唔可以少過260呎，

預料會成為新世界頭炮開售全新盤。

有意喺九龍投資人士睇定啲都唔遲，Downtown 38同瑧尚仲未公布售價，估計係想睇煥然懿居開賣情況，先作決定

網圖

。