凱滙預言？會否成為下一個浩劫灣？

新盤凱滙勢頭強勁，已經累積賣出1,200伙，套現147億元，第4輪開售收逾1,100票，超額3.8倍，令筆者想起當年的灝景灣。

1997年，青衣灝景灣萬人爭購，3日時間就有逾3萬個認購登記，超額189倍，條人龍由銅鑼灣世貿中心排到到紅隧入口附近。不過，之後政府推出八萬五建屋計劃，加上亞洲金融風暴嘅雙重打擊，搞到樓價大跌，唔少業主變成負資產，所以灝景灣亦被冠名為「浩劫灣」。

其實當時又點止一個蟹盤，荃灣愉景新城第3期於97年開售，當時樓價處於最高峰，平均呎價逾7,000元。但冇耐樓市泡沫爆破，樓價大跌，不少人蝕讓離場。

今次凱滙嘅情況，熾熱程度如當年有過之而無不及，會唔會係暴風雨前夕，成為下一個樓蟹指標？

網圖