努力做嘢可以Full Pay買樓？

威威洗衣粉太子爺、莎莎國際（0178）女婿陳振邦 圖︰明報

威威洗衣粉太子爺、莎莎國際（0178）女婿陳振邦，日前接受《明報》訪問時寄語時下後生仔先專注工作，等事業有成，或者可以意想不到地「Full Pay買樓上車」。

唔少年輕朋友聽完陳公子呢返「寄語」都話有啲反感。筆者諗返起劉鑾雄大仔劉鳴煒幾年前叫年輕人去少次日本， 月儲3,000蚊就有機會儲到首期，當時一樣俾人批評到體無完膚。

問題係，點先為止事業有成？難度個個都要變朱克伯格，先可以諗買樓？好多年輕人唔係唔夠努力，而係樓價實在太扭曲，將買唔到樓嘅責任講到係唔夠努力，只能夠話佢太離地，唔知呢個世界發生緊乜嘢事。

我哋要關心嘅係，點樣增加供應，提供更多價錢合理嘅居所，令香港成為一個年輕人唔洗擔心置業問題、唔洗因為買唔到樓伯母就唔夾雞脾俾你食嘅社會，令後生仔將心力由「拼父幹」，

轉而放喺發展其他事業上，到時陳公子口中事業有成嘅人自然會多好多。