唔係騙案 土地小組周五起做電話調查

網圖

土地供應專責小組噚日開會，決定星期五開始向市民隨機抽樣做電話問卷調查，徵詢市民對土地供應嘅意見。收到電話嘅市民，唔洗驚喺電話騙案，真係問你意見㗎！

今次小組委託中大亞太研究中心做電話調查，目標係收到3000份有效問卷。成個電話問卷調查大約需時15分鐘，會問受訪者喺18個土地供應選項當中，邊個認為較可行。小組喺9月26號公眾諮詢完結後，開始撰寫報告。

但特首份施政報告10月就會發表，得返咁短時間，就算趕得切喺施政報告發表前交貨，都唔知趕唔趕得切有針對性政策出台喎。