唔該政府管下啲龍床盤

上車男

網圖

發展商佳源國際的屯門新盤菁雋，以平均呎價17,000開盤，最細的單位居然只得128呎，每層劏出29伙，打破香港最細納米樓的紀錄，被稱為「龍床盤」。

以一個面積131呎的開放式單位為例，入場費285萬，呎價21,756蚊，貴過籃籌屋苑太古城，實在非常誇張，不過跟過去這些納米樓瘋狂去貨的情況不同，這次菁雋推盤結果就相當冷清。市民好像醒左一樣，開始對於這些又貴又細的單位充滿戒心，大家想想，128呎，細過一個車位，擺得床放唔到櫃，連丁屎咁細的廁所加廚房，真係行到行唔到，而且，一梯29伙得三部lift，返工放工的時候，真係等lift都等到您傻。

其實搞出咁多納米樓、龍床盤，除了因為樓價貴之外，亦和政府不去規管都有關係，讓發展商的開則越來越細，將想上車的買家生劏。

再看看，我們時常話想同人家競爭的新加坡為例，現在他們政府加強規管像香港納米樓的鞋盒屋，限制中央區以外的私人住宅，不可以細過915平方呎，大家無睇錯，是915平方呎，這些在香港叫做豪宅的單位，在新加坡是一個最低的起跳標準，佢一間可以做到香港的納米樓7間，由此可見，新加坡的規管比香港進步幾多，人地在天堂，我地在地獄。

唔該香港啲官員瞓醒下，唔可以因為提供不到這麼多單位，就任由發展商將細單位由500呎變400呎變300呎變200呎，最後變得百幾呎，即係以前可以一個單位，現在是變成四個單位，勉強砌夠條數，呃市民話每年有幾多幾多個單位推出，其實論面積計，可能得番一半都唔夠。