地產佬可能係史上最慘職業

網圖

近排個市狂跌，由高位33300跌到落而家24000，每日都唱淡，放盤好似特賣場咁大劈價，就連沙田第一城都冧租，會唔會係新一輪金融風暴，筆者唔敢講，唯恐天下不亂。

不過首當其衝嘅就係班地產佬，平時開唔到單已經慘慘豬，而家某地產公司仲要玩「Bottom榜放取無薪假期機制」，業績最差嗰一成要「炒魷魚」，之後嗰55%人要自己申請放三個月無薪假期，呢啲係乜嘢工？

再者，大熱天時成班經紀企晒喺街，見人就sell，甚至追出馬路，有時仲畀網民影到狗咬狗打架。尊嚴呢？你以為你老闆喺呢個時勢會同你同甘共苦？你老闆一腳踢開你，無收入又無工開手停口停，認真閉翳。