居屋抽獎遊戲歧視黑仔 政府應考慮設輪候機制

網圖

新一期白居二已完成攪珠，6萬幾張申請表爭2500個資格，超過95%申請者又一次同免補地價居屋擦身而過，而新居屋年底抽獎，到時將會多十幾萬人加入失望大軍(未計重新接受申請後增加的申請人)。

相信唔少人都好似筆者咁，又買唔起私樓又冇抽獎運，居屋年年抽，但抽極都唔中，反而識人細佬抽到細妹又抽到，最新一期仲要拎到最前幾個號碼，真係好閉翳，呢啲仲唔係運氣歧視？(可惜平機會唔受理)

立法會議員謝偉銓都睇唔過睇，佢話現時市民輪候公屋，政府都有提供輪候時間表做參考，但申請資助房屋時，市民只能靠運氣，建議檢討抽籤機制，如果抽咗幾次都唔中籤，之後有較高中籤機率。政府真係諗諗佢啦！