從凱匯道出大學生悲歌

觀塘凱匯開售，一班買家一早就趕去尖沙咀售樓處，排晒長龍打晒蛇餅，只係半日時間就已經「一Q清袋」，筆者都幾大吃一驚。圍內政治氣氛麻麻， 立場壁壘分明 ，外圍中美貿易戰陰晴不定，拖累經濟，有預測話下年香港樓市可能會跌10至15%，又點估到呢個新盤開售會咁受歡迎。

睇返現場嘅買家，有人等咗十年觀塘重建，用5球做首期買，有人買咗1400萬嘅單位，覺得價格好有誠意，入票後抽中更加係「緣分天注定」。唔少人仲覺得萬七蚊呎屬「好平」，好抵買，遲D可能買唔到呢個價位嘅樓。

買樓真係咁容易？

睇返房屋署最新數據顯示，輪候公屋人數有27萬，而30歲以下嘅申請者當中，47%有大專學歷，所以話，有時都唔怪得啲大學生點解叠埋心水抽公屋，因為普通一個月入兩萬嘅打工仔，又點負擔得起萬七蚊呎嘅樓！

網圖