放寬按揭成數變計時炸彈

網圖

財政司司長陳茂波密密出招，近日喺網誌提到研究放寬按揭成數，幫助一班有供款能力但首期唔夠嘅上車人士。不過筆者認為咁樣好易容搞到置業者爆煲。

現時一般銀行按揭為6至7成，假設一個700萬的單位，能做7成按揭，首期都成200萬，結果要儲幾年錢先夠首期。如果放寬咗樓按成數，容易搞到首期，唔少買家有理無理即衝入場。

不過嚟緊全球政治動盪，中美貿易戰仲傾緊，英國會唔會硬脫歐又係未知之數，唔少中資已經撤離國際市場，持觀望態度唔入市。個市一冧，呢班冇實力嘅上車客隨時變負資產。

筆者認為放寬樓按幫上車客要審慎，上車客嘅壓力測試要嚴格審視，同針對樓價較低嘅中小型住宅，以免樓市有咩事都應付到。