政府收地真係話咁易？

阡陌

網圖

政府相當重視的土地供應專責小組的公眾諮詢已超過3個月，奈何這場「土地大辯論」，最終只可以說是「雷聲大、雨點少」，專責小組一直希望可以凝聚共識，可惜至今社會聲音仍然是「各說各話」，各自堅持自己的建議，簡單一句，至今仍然有意見指出，只要政府肯引用「收回土地條例」來收地，土地不足的問題便可迎刃而解，但政府收地是否真係話咁易？

無可否認，根據土地供應專責小組的文件顯示，現時新界區已約有1300公頃棕地(泛指因農業活動衰落而改作其他用途的前農地)，以及約1000公頃由私人發展商擁有的新界農地，換言之，如果政府出動尚方寶劍，引用收回土地條例來收回棕地及發展商持有農地，來發展公營房屋，唔夠公屋的問題肯定可以得以紓緩。

當然表面來看，只要政府肯引用條例，應該可以輕鬆「絕殺」土地問題，但問題絕非講得咁易，首先「收回土地條例」是講咩？簡單而言，政府可以按「公眾利益」引用條例收回私人土地作公共用途，就算業權人唔同意都冇用。

當然政府過去亦有引用條例來收回土地起公屋、建鐵路，不過實際上過去幾年收回土地相當有限，加加埋埋10公頃都唔夠。在2013、2014同2015年，政府總共只收回5.592公頃土地，用嚟興建公共房屋同社區設施，連三分之一個維園都唔夠呀！

幾年內只收得幾公頃土地，係政府有權唔用，定有權唔敢用，相信大家亦明白，如果政府動不動就引用條例收回土地，到時肯定會引發一連串的政治爭拗及司法覆核，相信大家還記得，九年前的菜園村事件、以至兩年前的元朗橫洲事件，兩宗個案都是收回土地條例，但最終引發社會衝突以至政治爭拗，整體社會也要付上代價。

政府收地並非話咁易，首先現時棕地上的作業涵蓋不同類型的經濟活動，當中有不少行業、市民，依靠棕地作業為生，政府在考慮發展棕地時，必須考慮賠償及重置問題，以免打擊某些行業的發展。如果話收就收，肯定整體社會也難得安寧。