政府經常講嘢

上車男

source: internet

政府剛剛公佈長遠房屋策略的周年報告，在運房局局長陳帆出來介紹，真係覺得政府經常講嘢。

此報告首先就將公營及私營房屋比例，由六四之比增加到七三之比，表面上好照顧公營房屋，等D人多D公屋居屋可以住，實際上就係得啖笑。由於無增加到房屋單位的供應，結果未來10年，政府只興建到24萬8千的公營單位，實際的目標要31萬5千個，仲有6萬7千個差額單位，不知到那處找地來起。

政府做很多事都是一廂情願定出目標，要增加公營單位供應，但又無地提供這麼多單位，客觀上就會將私營單位的地減少左，搞到樓價越來越貴。政府這些做法只係出口術，好似照顧左你的需要，但實際上就一點忙都幫不到，不過，這些口術的客觀效果就會減少政府撥作私營單位的土地，試問，地少左，私樓是不是會越來越貴呢？我們這些等住上車一族，真係睇住個電視、望住政府講嘢，條氣就頂到上心口。

這個月27號，政府個所謂覓地小組又話會交報告，報告都未出籠，政府已經吹哂風，話覓地小組建議用高球場起樓，政府都未必同意。政府自己係度打哂交，搞左一輪諮詢，結果又話唔會做，拖左一年都唔知想點，政府提出的公私合營方案，如果加快推進，的確會增加土地供應，但就得個講字，遲遲唔做，真係令人相當氣憤。