施政報告是龍是蛇睇過就知

上車男

特首林鄭將會明天公佈施政報告，講到雷聲好大，傳出各種類型跟房屋有關的消息，又話填海，又話搞公私合營，又話搞棕地，仲傳出各種類型的版本，又叫社會服務機構，搵官地地起樓出租等等。

且看過去政府政策，很多時都會「領野」，有些概念聽起來很漂亮，但實際上完全解決不到問題，好像搵私人將空置的屋拿出來做所謂光房，租俾低收入人士，搞來搞去只得一兩百個單位，實際上唔知幫到邊個。這個政策聽起上來非常好聽，實際上對廿多萬個輪候公屋人士同二、三十萬等買居屋或私樓的人，真係一點幫助也沒有。

所以我就俾一條指標，睇下特首的施政報告，係未可以提出具體政策，快到可以兩三年之內，每年可增加5千個單位供應，而不是2、30年後才可以提供到單位。試想下若兩三年之後，每年可以多5千個單位供應，大家個心會定D，無須搶住買樓，咁樓價就不會那麼貴，租金也不會喪升。

但如果政府提出的政策，要搞5年、10年，加得雞碎咁多單位，就係唔搞好過，唔好呃我地D升斗市民！

所以，我覺得係要政府短時間內大量增加單位供應，才是真有效，而不是吹吹水。您可以話，這樣的要求不易做到，鬼唔知咩！如果易做到，您同我都可以做特首啦，邊洗俾幾百萬人工佢，仲俾咁大間禮賓府佢住！