港澳居民同病相憐 政府派錢都買唔到樓

網上圖片

澳門政府由2008年已經開始「現金分享計劃」，即係派錢。之後仲年年都派，由5,000澳門幣，派到1萬澳門幣，計下數，喺呢12年，一個澳門永久居民穩袋94,000澳門幣！

香港都有派過錢嘅，就係2011年前財政司司長曾俊華派每個18歲以上永久居民派6千，嚟緊亦會向符合特定條件嘅市民派4,000。唉！不過，就算俾你拎到1萬咁又點，喺香港連一呎都未必買到！

每次聽到派錢，香港人就會好葡萄，好想做澳門人，其實，澳門人咪一樣買唔起澳門樓。自從港珠澳大橋通車後，澳門樓價升得更瘋狂。根據澳門統計暨普查局最新公布嘅數據，今年第2季澳門住宅物業平均建築呎價升到9,994元，比起2009年第4季的2,381元，勁升3.2倍。黑沙環新填海區平均建築呎價約12,064元。

澳門樓已經過萬蚊呎，同香港睇齊，咩嘢世界！睇嚟我地這些買唔起樓的香港人都係排隊等上公屋，雖然5年半又5年半...唔知幾時望到家鄉，如果唔係，咁又可以點呢？