發展商減價係好定壞？

網圖

LCC連跌13個星期之後止跌回升，雖然只係僅僅升咗0.07%，但唔少人都憧憬個市有望。不過認真諗下，如果個市真係升，點解最近嘅新盤紛紛低價開售呢？

以屯門新盤The Carmel為例，發展商直話係「山城心動價」，呎價唔晒一萬，仲坦言係2015年樓市價。

減價其實最傷係一班早前入市嘅業主。當初可能喺較高位買樓花，諗住遲下個市一升，層樓同時升值，仲賺埋訂金。誰不知而家啲新盤大減價，冇升值之餘，亦賺唔到筆訂金。低價賣出去又未必有人接，輸時間蝕通脹。

另外，二手樓近期成交量偏低，就算業主自動減價都未必賣得出，好多買家見新盤都減價，唔急於出手。所以話見到谷底未，筆者唔敢講，投資者要留神。