跑馬地新盤得61呎 香港人最需要叮噹！

網圖

究竟香港人嘅忍耐力嘅底線去到邊？有線新聞上星六報道，跑馬地 奕蔭街有新盤細到實用面臨得61呎，如廁、食飯、就寢全部係同一個位，伸長啲隻手已做晒。成個盤68伙，呎租去到106至124蚊，山頂豪宅價但已全部租出。

報道話，屋宇署嘅審批準則係，只考慮單位有冇足夠設備，不理會居住空間。61呎係一個乜嘢概念？監獄嘅獨立囚倉都有75呎，即係返到屋企閂埋面慘過坐監囉！住客或者可以安慰吓自己，前特首煲呔住間房都係咁上下size。

細個成日笑日本人單位細，但日本宜家已有法例規定人均居住面積的最低標準，要達到190呎，連香港公屋都規定每人不少於75呎。但屋宇署赤裸裸咁話俾你知，私樓塞唔塞到個人入去係唔會理，發展商只要將啲設施塞晒入去就得！

呢一刻，住納米盤嘅香港人最需要嘅係叮噹，一係請教佢點樣習慣瞓櫃桶，一係問佢借縮細電筒。