長沙灣好住嗎？

下星期綠置居麗翠苑接受申請，筆者想同大家分析下長沙灣係咪一個好地方。

首先申報一下利益，筆者自己冇住過長沙灣，但就有親戚住嗰區，所以成日都會去。筆者覺得長沙灣係一個異常密集同嘈吵嘅地區。開頭筆者都喜歡揸車去長沙灣，但發現區內車位極少，而深水埗長沙灣一帶都充斥住違泊車輛，最怕嘅係唔少長者鍾意衝出馬路，呢區揸車真係唔得。

不過呢個盤交通上確實有好大優勢，佢好近長沙灣地鐵站，遠少少仲有西鐵，成條長沙灣道有巴士去邊都方便，交通冇得輪。

配套方面，尚算齊全，美孚同深水埗有政府游泳池，北河街有市政街市同體育館，想行商場有文青必選D2 Place，加埋有返咁上下歷史嘅西九龍中心，要買餸就要行遠少少，去返深水埗。

最大嘅隱憂係治安問題，鄰近深水埗，出名治安差，又聚居左唔少南亞人，我個人就唔係好慣。

不過，話分兩頭，有時唔住過又唔知嘅，如果有興趣抽呢個項目，希望大家中啦！