點解咁多長者買樓？

最近多個新盤出爐，每次喺呢啲時候，都會有傳媒喺售樓處訪問一班老人家，再細問一下，發現唔少老人家話買層樓子孫仔女，好少會答你係自住。好想屋企位老人家買樓畀你？其實背後可能係子孫仔女嘅計劃。

打算買樓嘅人，叫晒全家人一齊入票，令抽到嘅機會大大提高，正常不過。有啲買家希望父母抽到，咁佢哋買樓嗰陣只需要畀正常嘅印花稅，到父母過身，層樓就可以輕輕鬆鬆以遺產傳讓方式畀返子孫仔女，咁就慳番筆稅。

不過呢個方法都有壞處，隨時爭樓爭到見報。因為買樓嘅係父母，佢哋先係業主，所以佢哋有權將物業轉畀任何人，佢哋轉咗畀其他親戚真係冇仇報，就算你同父母簽咗信託書，證明層樓係你供，咁仲大獲，有晒證據話你逃稅。

網圖